Tuesday, November 17

Myftinia e Shkupit mban mbledhjen e tretë të rregullt dhe miraton raportet, aktivitetet dhe planin për Haxhin 2026

Myftinia e BFI – Shkup, më 22 prill 2026, në prezencë të Reisul Ulemasë h. hfz. Shaqir ef. Fetahu, realizoi mbledhjen e rregullt, të tretën me radhë, me anëtarët e Myftinisë së Shkupit.

Pas raportimit të hollësishëm dhe diskutimit, anëtarët u informuan, aprovuan dhe miratuan si më poshtë:

Gjatë kësaj periudhe, nga komisioni i Myftinisë titullin hafiz e morën:

-Berkin Veseli, muhafiz: hfz. Abdurahim Sulejman

-Tarik Alija, muhafiz: hfz. Elham Mursel

-Erhan Saliu, muhafiz: hfz. Xhelil Shabani

-Ramazan Zejnullahu, muhafiz: h. Ali Ashani

-Talha Neziri, muhafiz: hfz. Abdulkerim Ebibi

Projekti “Në xhami së bashku me fëmijë”, i dedikuar për fëmijët, përfundoi me sukses, ku u shpërndanë dhurata për pjesëmarrësit.

U tubuan mjete financiare për Nusret Qekoviq në 6 xhami në vlerë prej 2100 euro, të cilat iu dorëzuan prof. Imer Bajramit.

U vizituan 20 donatorë që përkrahën projektet e Myftinisë.

Një donator anonim dhuroi një veturë për shërbimet e Myftinisë (Opel Combo).

U bë shpërndarja e 320 pakove të hurmave në katër rajonet e Myftinisë.

U realizua mbrëmje kuranore në xhaminë “Mulla Hysen Saiti” në Lubin.

U mbajt mbledhje raportuese me nëpunësit fetarë të Myftinisë.

Presidenti i Shqipërisë, z. Bajram Begaj, vizitoi xhaminë “Mustafa Pasha”, ku u mirëprit nga Myftiu.

Myftiu mori pjesë në konferencën shkencore “Medresetë e vjetra të Shkupit”, organizuar nga Qendra Minber në Shqipëri.

Myftiu i Shkupit realizoi vizitë te Myftiu i Tiranës h. Bilal Teqja.

Mes dy mbledhjeve u realizuan dy ligjërata javore dhe katër emisione “Këshilla e xhumasë”.

Doli në qarkullim numri 13 i revistës “Hënëza”, si dhe u botua “Buletini 2025”.

U realizuan katër ceremoni të hatmes dhe u shpërndanë 22 Mus’hafa me logon e Myftinisë.

Me dekret u pajis:

-h. Jasir Murtezan, imam dhe mualim në xhaminë “Koliçan i Poshtëm”

Me autorizim u pajisën:

-h. Osman Murtezan, imam dhe hatib në xhaminë “Koliçan i Poshtëm”

-Ikbale Fuga, mualime në xhaminë “Othman Ibn Afan” – Vizbeg

-U miratua raporti i aktiviteteve dhe ai financiar për Ramazanin 2026 në vlerë prej 54.950 euro, i realizuar tërësisht nga donacionet e afaristëve vullnetarë.

Po ashtu, u miratua plani dhe udhëheqësia për Haxhin 2026, si dhe propozim-vendimet me 23 pika që lidhen me organizimin e tij.