
Sot, me datë 16 tetor 2026, nën organizimin e Myftinisë së Shkupit në bashkëpunim me Kryqin e Kuq, nën kujdesin e referentit të Myftinisë h. Berat ef. Sadiki, dita e xhumasë në xhaminë e Mustafa Pashës u karakterizua me një aktivitet të rëndësishëm humanitar, aksionin për dhurimin e gjakut në ndihmë të njerëzve në nevojë.
Nismat e tilla dëshmojnë angazhimin tonë ndaj solidaritetit, humanizmit dhe kujdesit për jetën e tjetrit.
Mirënjohje e veçantë për imamët dhe këshillin e xhamisë së Mustafa Pashës për përkrahjen dhe kontributin e dhënë në realizimin me sukses të këtij aktiviteti të dobishëm.
Zoti i shpërbleftë të gjithë dhuruesit dhe kontribuuesit!
