DIPLOMON GJENERATA E KATËRT PRANË MEKTEBIT “DRITA” NË SHKUP
Më 28 shtator 2021 (e martë) pas faljes së namazit të ikindisë, në Xhaminë e Re të lagjes së Çairit u realizua ceremonia e duasë së hatmes me rastin e mbarimit të mësim-besimit islam të 41 nxënësve pranë mektebit “Drita”.
Në këtë program ishin të pranishëm Myftiu dr.Qenan ef.Ismaili, referentët e Myftinisë, Hfz. Xhemail ef. Nuhiju, përgjegjës i Institutit të Hifzit "Hfz. Ismail Efendiu", hoxhallarë, hafëzllarë e familjarë të nxënësve si dhe një numër i konsiderueshëm i xhematlinjëve.
Para fillimit të programit me fjalë përshëndetëse të pranishmëve iu drejtua imami i xhamisë Hfz. Avni ef. Asani.
Më pas, fjala e rastit i takoi Myftiut i cili uroi Hfz. Sabaatin ef. Nuhijun për kontributin e tij ,prindërit e nxënësve për angazhimin e tyre si dhe nxënësit për dijen e fituar.
...







